logo

टुकोनद्वारा रक्तदान, कमल थापाद्वारा टुकोनको प्रशंसा

Spread the love

काठमाडौं । राप्रपा नेपाल निकट ट्रेड युनियन महासंघ नेपाल (टुकोन)ले काठमाडौंको बालाजु बाईसधारा पार्कमा वृहद् रक्तदान कार्यक्रम सम्पन्न गरेको छ । उपत्यकामा रगतको माग बढिरहेको अवस्थामा टुकोनले आयोजना गरेको उक्त रक्तदान कार्यक्रमले थप उत्साह प्रदान गरेको रेडक्रसले जनाएको छ ।
ट्रेड युनियन महासंघ नेपाल (टुकोन)को काठमाडौं जिल्ला कार्य समितिको तत्वावधानमा सम्पन्न सो कार्यक्रममा सहभागी हुने रक्तदाताहरुलाई प्रमाणपत्र प्रदान गर्दै राप्रपा नेपालका अध्यक्ष कमल थापाले रचनात्मक र सामाजिक काममा सकृयता देखाएकोमा खुशी प्रकट गर्नुका साथै टुकोन आबद्ध सबैको प्रशंसा गरे । सो अवसरमा पार्टी आबद्ध सबै जनवर्गीय संगठनलाई चलायमान भई संगठन केन्द्रित हुन समेत अध्यक्ष थापाले निर्देशन दिएका थिए ।


कार्यक्रममा राप्रपा नेपालका महामन्त्री राजाराम बर्तौला र ट्रेड युनियन महासंघ नेपाल (टुकोन)का अध्यक्ष हिक्मतजङ्ग भण्डारीले यस्ता कार्यक्रमहरुलाई आगामी दिनमा निरन्तरता दिने प्रतिबद्धता ब्यक्त गरे । सो अबसरमा टुकोनका काठमाडौं जिल्ला अध्यक्ष लाक्पा शेर्पाले करिब एक सय रक्तदाताहरुले रक्तदान गरेको जानकारी दिए ।

Search

News Events

Read More

Issue / Campaigns

Read More